‌‌‌‌ ‌مه‌به‌ستی ئه‌م سه‌کۆیه‌ شۆربوونه‌وه‌یه‌ به‌ناخی تاک و ژینگه‌ی کومه‌ڵایه‌تی مرۆڤدا

صورتي
Sydney, Australia
selah.germian@yahoo.com.au بۆ خستنه‌ڕووی هه‌ر بیروڕاو بۆچوون تکایه په‌یوه‌ندی بکه‌ به ڕێێ ئه‌م ئیمێڵه‌وه ‌

28.1.13

شه‌رم .. هۆکار و چاره‌سه‌رکردن

شه‌رم دووجۆری هه‌یه: یه‌کێکیان نێگه‌تیڤه‌‌، جۆرکه‌ی تریان پۆزێتیڤ.‌
شه‌رمکردنی پۆزه‌تیڤ ئه‌و جۆره‌یه‌ که‌ مرۆڤ وه‌ک ڕێزلێنان نیشانی ئه‌دات یان وه‌ک نیشانه‌یه‌ک بۆ ڕه‌وشتی مرۆڤی بێ نه‌فس. ئه‌و جۆره‌ شه‌رمه‌ کاتییه‌ و به‌ کێشه‌ی‌ ده‌روونی دانانرێت. به‌ڵام شه‌رمکردنی نێگه‌تیڤ له‌ ده‌سه‌ڵاتی مرۆڤ ده‌رئه‌چێت و که‌سی شه‌رمن له‌م جۆره‌دا خۆی بۆ کۆنترۆڵ ناکرێت. لێره‌دا زیاتر باس له‌ شه‌رمکردنی نێگه‌تیڤ ئه‌که‌م و ئه‌م جۆره‌ش چه‌ند هۆکارێکی سه‌ره‌کی هه‌یه‌.
شه‌رمکردن کێشه‌یه‌کی ده‌روونی و کۆمه‌لایه‌تی به‌ربڵاوه‌ و جۆرێکه‌ له‌ دڵه‌ڕاوکێی کۆمه‌ڵایه‌تی، ئه‌بێته‌ هۆی ئه‌وه‌ی ئه‌و که‌سه‌ی که‌ شه‌رمده‌کات هه‌ستی جۆراوجۆر زاڵبێت به‌سه‌ریدا و کاربکاته‌ شێوه‌ی هه‌ڵسوکه‌وتی له‌ناو کۆمه‌ڵدا و تاڕاده‌یکی به‌رچاو شله‌ژانی ڵێوه‌ ده‌رکه‌وێت و زۆرجار ترس و توقین به‌ روخساری که‌سی شه‌رمنه‌وه‌ ئه‌بینرێت. شه‌رمکردنیش ئه‌بێته‌ هۆێ ڕێگرتن له‌ گه‌شه‌کردنی ڵه‌یوه‌ندییه‌ کۆمه‌ڵایه‌تییه‌کانی مرۆڤ
.